KF Deçiq niset drejt Kosovës, nesër sfida kundër Dritës (VIDEO)

 KF Deçiq niset drejt Kosovës, nesër sfida kundër Dritës (VIDEO)

Skuadra shqiptare nga Tuzi, KF Deçiq është nisur sot drejt Kosovës.

Klubi tuzian do të luajë të enjten ndeshjen e parë në histori të tyre në garat evropiane e ku kundërshtar kanë nënkampionin e Kosovës, Dritën e Gjilanit, përcjell Klan Kosova.

Kjo ndeshje do të zhvillohet në stadiumin “Fadil Vokrri” në Prishtinë më fillim nga ora 20:00.

Deçiq në vitin e parë në Superligën e futbollit në Mal të Zi arriti të jetë nënkampion, duke bërë që të luajë këtë edicion në Evropë.

Për Dritën do të jetë hera e parë që merr pjesë në Ligën e sapo formuar të Konferencës. Ndërsa, klubi gjilanas ka eksperiencë pasi në vitet e fundit ka marr pjesë në parakualifikime e kualifikime të Ligës së Kampionëve por edhe të Ligës së Evropës.

VIDEO

TË NGJASHME