Arbnor Morina: Kosovës i duhet trajner punëtor e jo emër i madh

 Arbnor Morina: Kosovës i duhet trajner punëtor e jo emër i madh

Kombëtarja e Kosovës tashmë është pa trajner, pas shkarkimit të Bernard Challandes.

Kosova vendosi të ndërpresë rrugët me trajnerin Bernard Challandes, pas më shumë se tre vitesh e gjysmë, kështu drejtuesit e Federatës së Futbollit janë vënë në lëvizje për të gjetur pasuesin e 70-vjeçarit zviceran, shkruan Reporteri.net

Emrat si Felix Magath, Roberto Carlos, Gianni de Biasi, Walter Zenga dhe Primoz Gliha kanë qarkulluar në media që nga dje.

Por, për të njohur më shumë rreth idesë se a i duhet Kosovës një emër i madh dhe i njohur që të jetë trajner, Gazeta Online Reporteri.net ka biseduar me trajnerin aktual të Ferizajt, Arbnor Morinën.

Morina fillimisht tha se duhet të qartësohet nëse Kosova dëshiron emër të njohur e pak punëtor, apo punëtor të vërtetë.

“Së pari duhet qartësuar se a dëshirojmë një punëtor në Kombëtare apo emër të madh e që nuk punojnë që një kohë të gjatë”, tha fillimisht tekniku i Ferizajt.

Ai vazhdoi tutje duke thënë se Kosovës i duhet një punëtor i madh.

“Kosovës i nevojitet një punëtor i madh me eksperiencë të madhe në punë dhe i cili kalon një kohë të gjatë në Kosovë, pasi edhe këtu luhet futboll, gjithashtu te ketë në shtabin teknik shumicë të trajnerëve kosovarë”, përfundoi Morina.

TË TJERA