Konfiskohen 700 kilogram mish në Ferizaj

 Konfiskohen 700 kilogram mish në Ferizaj

Agjencia e Ushqimit dhe Veterinarisë (AUV) sot ndërmori një aksion për inspektimin e te gjitha mishtoreve ne Ferizaj, në bashkëpunim me inspektorët komunal.

Zëdhënësi i AUV-it Lamir Thaçi tha se nga ky aksion u konfiskuan një sasi prej 700 kg mish dhe produkte mishi, e cila nuk i plotësonte kushtet ligjore për tregtim.

“Produktet e mishit të konfiskuar ishin: mish i freskët, mish i grirë, suxhuk, virshlle, mish i terur. E gjithë̈ sasia u tërhoq nga shitja, u bllokua me urdhër të inspektorit. E gjithë̈ sasia e mishit të ndaluar do të asgjësohet në prani të inspektorëve kompetent. Shumica e mishtoreve posedonin kushte të mira higjienike, për hapësirat që kishte defekte u urdhëruan përmirësimet brenda afateve kohore”, thekson Thaçi.

Ai po ashtu tha se AUV përmes inspektoratit veterinare është duke ndërmarr aksione në të gjithë Kosovën të largoj nga tregu të gjitha produktet ushqimore me origjine shtazore te cilat nuk i plotësojnë̈ kriteret ligjore për sigurinë ushqimore.

“Te gjithë operatorët të cilët tregtojnë̈ produkte mishi duhet të jenë të regjistruara në AUV. Thertoret dhe përpunuesit e mishi duhet të jenë të licencuara për veprimtarinë̈ përkatëse. Hapësirat duhet t’i plotësojnë kushtet teknike sanitare higjienike, të cilat garantojnë̈ siguri në prodhim përpunim apo tregtim të produktit”, tha ai për KosovaPress.

Thaçi tha se në të gjitha hallkat e zinxhirit ushqimore duhet plotësuar kushtet që produkti te konsumatori të shkoj i sigurtë dhe cilësore.

AUV edhe gjatë javës së kaluar kishte marr aksion edhe në Prizren për konfiskimin e produkteve të mishit që nuk përmbushin kushtet për tregtim.

TË NGJASHME