Kukësi, qyteti me aeroport, por pa stacion autobusësh

 Kukësi, qyteti me aeroport, por pa stacion autobusësh

Qyteti i Kukësit mund të jetë nga qytetet e rralla në botë që ndonëse ka një aeroport ndërkombëtar, nuk ka një terminal për mjetet e transportit të udhëtarëve.





Që pas viteve 90-të qytetarët kuksianë detyrohen të presin automjetet e transportit të udhëtarëve të linjave ndërqytetëse në kushte shumë të vështira, duke sfiduar temperaturat e larta në verë e acarin në dimër.

“Në vapë, shi apo borë, jemi detyruar të rrimë në rrugë, nuk ka as ulëse”, thonë banorët për A2 CNN.

Aktualisht, vendqëndrimi i autobusëve dhe furgonave është i stacionuar në verilindje të qytetit të Kukësit përgjatë rrugës hyrëse, duke bllokuar edhe njërën korsi të saj, si dhe pa asnjë standard.

Udhëtarët, shpeshherë si mënyrë për të shmangur qëndrimin jashtë, shpenzojnë edhe të holla shtesë në lokale e restorante për të pritur orarin. Dhe tani me hapjen e aeroportit, nevoja e një terminali bëhet me imediate.





TË TJERA