Kurti: Vendimi për targat s’ka qenë i drejtuar kundër qytetarëve serbë të Kosovës, e as kundër ndokujt tjetër

 Kurti: Vendimi për targat s’ka qenë i drejtuar kundër qytetarëve serbë të Kosovës, e as kundër ndokujt tjetër

Marrëdhëniet e veçanta ndërmjet Republikës së Kosovës dhe Republikës Federale të Gjermanisë u vlerësuan në takimin e sotëm ndërmjet Kryeministrit të Republikës së Kosovës, z.Albin Kurti dhe Sekretarit Parlamentar Shtetëror në Ministrinë Federale të Mbrojtjes së Gjermanisë, z. Thomas Silberhorn.





Kurti e falënderoi Siberhorn për mbështetjen në procesin e integrimit të Kosovës në strukturat europiane dhe euroatlantike, thuhet në komunikatë.

Gjithashtu ai theksoi rëndësinë e përkrahjes gjermane në qëllimin për t’u bërë anëtar në forumin rajonal A5 dhe në programin e Partneritetit për paqen.

Tutje thuhet se aty u diskutua për rolin e Forcës së Sigurisë së Kosovës, si një forcë profesionale e moderne dhe ofruese e sigurisë, si edhe për misionin e saj jashtë vendit në bashkëpunim me SHBA-në.

Në takim u bisedua edhe për mbarëvajtjen e operacionit të evakuimit të qytetarëve afganë të udhëhequr nga NATO.

Lidhur me gjendjen në pikat kufitare 1 dhe 31, Bërnjak dhe Jarinje, kryeministri tha se vendimi për targat nuk ka qenë i drejtuar kundër qytetarëve serb të Kosovës e as kundër ndokujt tjetër.

Kryeministri ritheksoi punën korrekte dhe pa asnjë incident të Policisë së Republikës së Kosovës, përgjatë këtyre ditëve të angazhimit për sigurimin e mbarëvajtjes së zbatimit të vendimit për targat.





TË TJERA